CM-in Dawki Land Port a tlawh

Chief minister Lalduhoma chuan nimin khan West Jaintia Hills district, Meghalaya-a India leh Bangladesh insumdawn tawnna hmun, Dawki Land Port a tlawh a, thawktute nen an inkâwm.

Sorkar thuchhuah tarlan danin, Dawki Land Port hi Land Ports Authority of India hnuaia din niin, kum 2023 khan hawn a ni a; India leh Bangladesh insumdawn tawnna a nih bakah, ram pahnih mipuite dan ang thlapa an inkalpawh tawn theihna hmun a ni.

Dawki Land Port chhungah hian integrated check post, cargo terminal, warehouse, weighbridge, passenger terminal, canteen facility, medical facilty, forex counter, duty free shop leh lirthei dahna (parking area) te a awm.