Siahaah TA lak dan tur sawifiah

Assam Rifles 20th Battalion hotute chuan October 28, Thawhlehni khan Siahaa Assam Rifles camp-ah MJA, Siaha District member-te leh tlawmngai pawl hruaiutte an kâwm a, Mizoram Territorial Army lak tur chungchang an hrilhfiah.

AR company commander Maj. Sukhraj Singh chuan, Territorial Army lak tur chu a ṭha hle tih sawiin, "Indian Army dang angin ram chhung hmun hrang hrangah post an ni dawn lo a, Mizoram chhungah chauh an awm dawn. Indian Army-te'n hamṭhatna an dawn ang chu an dawng vek dawn thung. Rajiv Gandhi Stadium, Aizawlah recruitment neih tur a ni a, Siaha district aṭanga tel duhte tan pre-training pek bakah, exam inpuahchahna tan class pek kan inhuam a ni," a ti.

November 15-25, 2025 chhungin RG Stadium-ah Territorial Army lak rûnpui hi buatsaih a n dawn a, November 22-23 chhungin hmeichhe tan bik buatsaih a ni ang. November 24-25, 2025 chhungin nu emaw, pa emaw, India sipaia ṭang duh tan buatsaih a ni dawn bawk.