Naupang khuaikhemtua puh man

Champhai Police-te chuan FIR an dawn bawhzuiin October 28, Thawhlehni zan khan hmeichhe naupang kum 6 mi khuaikhemtua puh Chinsuanpaua (70), Teikhang, tuna New Champhaia awm mek an man.

Champhai Police-in FIR an dawna tarlan a nih danin, October 24, 2025 khan hmeichhe naupang hi a ṭhiante nen an infiam laiin Chinsuanpaua hian an inah ko lutin a khuaikhem a ni. Hmeichhe naupang hi khuaikhem a ni tih hriat a ni mai lo a, October 28 khan a serhah pem a awm avangin a nuin thu a zawtfiah a, khuaikhem a nih thu a sawi chhuak a ni.

Chinsuanpaua lakah hian Champhai Police Station-ah Protection of Children from Sexual Offences (POCSO) Act leh Bharatiya Nyaya Sanhita (IPC tih ṭhin) hmangin thubuai ziah luh a ni a; Chinsuan-paua hian a hma pawhin hmeichhe naupang hi a lo khuaikhem tawha sawi a ni.