September 2025 chhungin zu zuar 471 leh zu rui 68 man

Kumin September thla chhung khan Mizoram Police leh Excise & Narcotics department chuan zu khapna dan, MLP Act, 2019 hmangin zu zuar mi 471 leh zu rui mi 68 an man a, rakzu litre 4,676.45 an man bawk.

Sorkar thuchhuah tarlan danin, September 2025 (ni 30) chhung khan police-te'n zu zuar 20 leh zu rui mi 13 an man a; END-te'n zu zuar 451 leh zu rui 55 an man thung. Police-te'n rakzu litre 1,778 manin, END-te'n litre 2,898.45 an man a; beer kaihhnawih bûr/ûm 4,498 an man tel a ni.