Zilh ngaite zilh hreh lo turin chah

Chief minister Lalduhoma chuan, Mizoram pâ¡wna Mizo awmte chu Mizoram aiawhtute an nih thu sawiin, zilh ngaite zilh hreh lo turin a chah.

CM Lalduhoma hian nimin khan MHIP, Shillong Branch silver jubilee lawmna, NEC Auditorium-a buatsaih a hmanpui a; Shillong MHIP member-te chu Shillong-a Mizo awmte leh damlote tan an ṭangkai ṭhin thu a sawi. Shillong MHIP-ah hian member 375 vel an awm mek a ni.

Chief Minister chuan, "Mizoram pawna Mizo awmte hi Mizoram aiawhtute in ni a, mite'n an hmuh dan che u hi Mizo mipuite an hmuh dan a ni nghal. Zilh leh zirtir ngai an awm pawhin lo zilh hreh lo ula, YMA nena ṭang tlangin, kan ram leh hnam hmel timawi lo thei lakah leh khawtlang nun siamṭhat kawngah in lo ṭang tlang zel dawn nia," a ti.

Khualzahawm MLA Baryl Vanneihsangi pawhin thu sawiin, Shillong leh Meghalaya state-a khawsa Zo fate tana hma an lak tawhnaah a lawm thu a sawi a, ṭha taka rawngbawlna chhunzawm zel turin a chah.