Minister-in Kolasib leh Vairengte tlawh

Minister Dr Vanlalthlana chuan nimin khan Kolasib-a State Tax Deputy Commissioner pisa leh Vairengtea Taxation Data Collection Centre leh sikul pali a tlawh.

Dr Vanlalthlana hian Kolasib Taxation pisaa thawkte chu theihtawp chhuah turin a fuih a; thawktute pawhin an hmalakna hrang hrangte lo hrilhin, Kolasib hnaihah tax inspection point awm thei se an duh thu leh an mamawh dangte an lo thlen.

Vairengtea Taxation Data Collection Centre a tlawhnaah Dr Vanlalthlana chuan, an harsatnate a hmuna en tura kal a nih thu a sawi a, "Tax pumpelhna chi hrang hrang a awm a, vairam aṭanga thil lei Mizorama rawn hralh si, amaherawhchu, vairama tax pe si te, Mizorama thil hralh zinga Mizorama hralh ang ni loa ziahte a awm ṭhin. Engtiangin nge tun aia chak zawk leh tam zawka chhiah lak a nih theih ang tih chu kan ngaih pawimawh a ni," a ti.

Education minister Dr Vanlalthlana hian Vairengtea Primary School-VII, Vairengte High School, St Henry School leh Vairengte Higher Secondary School te a tlawh a; thawktute'n an mamawhte leh indaih lohnate an lo thlen a ni.