Japanese Language Study Centre din turin inremna ziak

Pachhunga University College (PUC)-a Japanese Language Study Centre dinna turin PUC leh JACEEX LL Ltd. ten October 28, 2025 khan PUC Principal pisaah inremna thuthlung (Memorandum of Agreement) an ziak.

Thuthlungah hian PUC aiawhin principal Prof. H Lalthanzara leh Jaceex-Youth4Japan aiawhin Jaceex Ventures director Rajeev Gupta ten hming an ziak a; PUC leh Jaceex hotu dangte an tel.

Inremna thuthlung hmangin PUC-ah Japanese Language Study Centre din a ni dawn a, kum thum chhung kalpui phawt a ni ang. PUC-ah zing dar 8:30 - 9:30 chhung Japan ṭawng zir ṭhin a ni dawn a, Jaceex-in ṭawng zirtirtu tur an rawn tir dawn. Japan ṭawng zirna hi January 2026-ah ṭan tum a ni.