Lungleiah Children Science Congress

Samagra Shiksha leh STAM chuan nimin khan Lungleia Education Complex-ah Lunglei District Children Science Congress an buatsaih a; junior category-ah Zohnuai Middle School zirlaite pakhatna niin, senior category-ah Lunglei Electric Veng High School zirlaite pakhatna an ni.

Children Science Congress hawnna inkhawm hi district education officer Micky R Lalenkawla'n a hmanpui a; junior category-ah sikul pahnih leh senior category-ah sikul pariat aṭangin zirlai 20-te'n science thiamna hman ṭangkai dan hrang hrang a lem nen entirin an intihsiak a ni.

Junior category-ah Zohnuai M/S zirlai H Lalchhuanawma leh R Lalrohlua te pakhatna an ni a; Loroto Play School zirlai Junia Vanlalvenpuii leh C Lalhriathlui te pahnihna an ni. Senior category-ah Electric Veng H/S zirlai Lalchhuanchhuaha & Janet R Lalremsangi te pakhatna an ni a, Loroto Play School zirlai HP Lalrinchhani leh Lalruatsangi Chawngthu te pahnihna an ni.

Junior category-a pakhatna leh senior category-a pakhatna leh pahnihnate hian November 27-28, 2025 chhunga state level Children Science Congress-ah Lunglei district ai an awh ang.