Vangpui Intawhkhawm

Assembly speaker Lalbiakzama chuan nimin khan Dilkawn community hall-ah Kelkang Joint YMA leh Kelkang khaw chhuak buatsaih Vangpui Intawhkhawm vawi hnihna a hmanpui a; pi pute nunphung pho chhuak turin hmasawnna hrang hrangte hman ṭangkai a ṭul thu a sawi.

Lalbiakzama chuan, Vangpui Intawhkhawm chu Mizo nunphung leh chin dante tun nunna ṭha tak nia a hriat thu a sawi a, "Pi leh pute nunphung pho chhuah a pawimawh a, pho chhuak turin khawvel hmasawnna hrang hrangte hi inchim raltir loin kan hmang ṭangkai zawk tur a ni," a ti a; zirna leh hna zawnnaah theihtawp chhuah turin ṭhalaite a fuih.

Bialtu MLA Lt Col. Clement Lalhmingthanga pawhin thu sawiin, taimakna leh tumruhna nen hna ûm zel turin ṭhalaite a fuih a, Territorial Army lak turah a tam thei ang ber tlin tum turin a chah bawk.

Vangpui Intawh-khawmah hian intihhlimna hrang hrang - insuknawr, inhruipawh leh Zozan te hman a nih bakah, zai leh lâmte entir a ni.