Kolasib kawng siam dan tur sawiho

Assembly deputy speaker Lalfamkima, Kolasib bialtu MLA hoin October 30, Ningani khan Kolasib district-a PWD enkawl kawngte ṭhál awm tur chhunga thawm ṭhat dan tur sawiho a ni a; sorkar hotute, khawtlang leh pawl hruaitute an tel.

Lalfamkima chuan, Kolasib khawpuia kawngpuite chu fûr chhunga nasa taka a chhiat avangin ṭhál thleng turah hna thawh theih hun (working season) a inṭan dawn tih a sawi a, "Kan kawngpuite leh khawpui chhunga kawngte a theih ang anga siamṭhat a pawimawh," a ti.

PWD executive engineer (Highway) Lalduhthlanga chuan, PWD-in kawng an enkawl chin leh khaw chhung inkawlpawhna kawng ṭhenkhat siamṭha tura ruahmanna an neih dante a tarlang. Kolasib PWD Division executive engineer H Lalfakzuala chuan, Kolasib khawpui chhung kawng enkawltu PWD Kolasib Division pisa chu court thupek angin kalh ni mah se, sorkar hmalaknain October 30, 2025 khan court thupek sût a nih thu a sawi.

H Lalfakzuala chuan, Kolasib khawpui chhung kawng siamṭhatna tur sum sorkar aṭangin an la dawn loh thu leh, sum an hmuh ve leh hna thawh nghal theih an beisei thu a sawi bawk.