Inpumkhatna thutiam sawi rual

Nimin October 31 kha India ram inpumkhatna ni, Rashtriya Ekta Diwas (National Unity Day) a ni a, he ni pual hi Mizoram hmun hrang hrangah hman a ni.

Rashtriya Ekta Diwas pual hian sorkar pisa hrang hrangah ram inpumkhatna tura intiamna thu sawi rual a ni a, Secretariat-ah chuan chief secretary Khili Ram Meena hoin hun hman a ni. District-ahte pawh pisa hrang hrangah thutiam sawi rual a ni bawk.

Rashtriya Ekta Diwas hi India ram inpumkhatna atana nasa taka hma latu Sardar Vallabhai Patel pian champha, October 31-ah kum 2014 aṭang khan kum tin hman a ni a; ram inpumkhatna leh inunauna atan hma la tura inhlan tharna hun atan hman ṭhin a ni.