Dan loa sumdawng hmu chhuak

Chhinga Veng Local Council leh tlawmngai pawlte ṭangho chuan November 1, Inrinni khan an veng chhunga dan loa sumdawng dap chhuah hnatlang an nei a; dan loa sumdawng mi pasarih hmu chhuakin, inthiar fihlimna hun an pe.

Inrinnia dan loa sumdawng mi pasarih an hmuh chhuahte chu Chhing Veng LC leh tlawmngai pawlte chuan November 15, 2025 hmaa inthiar fihlim turin an hriattir a ni.

Chhinga Veng LC leh tlawmngai pawlte hian October 18, 2025 pawh khan dan loa sumdawngte an lo zawng tawh a, chumi ṭuma an hmuh chhuahte chu October 2025 chhunga inthiarfihlim turin an hriattir a ni. Inthiar fihlim tura an lo tih tawhte chu November 1 khan an enfiah nghal a; mi pathumin dawr an titawp tawh a, dawr la hawng chhunzawm pakhat chu Chhinga Veng khawtlang hruaitute chuan dawr an kalhsak nghal a ni.