Police-in kuhva rah an man

Mizoram Police chuan November 1, Inrinni leh October 31, Zirtawpni khan hmun pahnihah Myanmar aṭanga phurh luh kuhva rah an man.

Khawzawl police-te chuan October 31 zan khan Lallianzuala (29) s/o Khupzalala, Tuirial Airfield Veng nia inchhal khalh TATA truck MZ-04 B-0323 aṭangin kuhva rah ip 230 (kg 18,400) an man a, Rs 46,00,000 hûa chhût a ni. Kuhva rahte chu truck-ah hian Chhungte daiah hlân a ni a, kawng hlui lamah kalin, Chawngtlai khaw daiah police-te'n an lo man a ni. Truck khalhtu Lallianzuala chuan kuhva chu Bagha-a dah tur a nih thu police-te a hrilh.

Champhai police-te pawhin November 1 khan Khuangphah khuaah truck MZ-01 J-7866 aṭangin kuhva rah ip 200 (kg 16,000) an man a, Rs 56,00,000 hûa chhût a ni. Truck hi Lalpeksanga s/o Challiana, Champhai Bethel Veng nia inchhal khalh a ni a; kuhva rah chu Lalramchhana s/o Lalengliana, Champhai Zion Veng ta nia hriat a ni.