Community Weaving Centre hawng

Chawngtlai mipuiin puantah an zirna tur Chawngtlai Community Weaving Centre chu October 31, 2025 khan Finance commissiner Vanlaldina Fanai-in a hawng a; ṭanpui tlakte sorkarin a puih zel dawn thu a sawi.

Centre hawnna inkhawm hi Planning secretary Lalmalsawma Pachuau-in a kaihruai a; project coordinator Saidingpuii Sailo bakah, Chawngtlai Village Council leh Chawngtlai Handloom Association aiawhte'n thu an sawi. Khawzawl bawrhsap K Vanlalṭhiana, Mizoram Startup Mission chief executive officer Rinzuala, Handholding scheme CEO Lalfakzuala leh sorkar official dangte pawh an tel a ni.

Chawngtlai Community Weaving Centre hi Village Level Development Program (VLDP) hnuaia entry point activities (EPA) project kalpuina khaw paruk zinga pakhat a ni. Project atan Rs 9,77,280 dah a ni a, centre sakna bakah, puantahna khawl pariat leh puanbu kim, bungrua leh hmanrua chi hrang hrang lei a ni.