Hulhliap SSC-a lut chhungte nen inkâwm

Synod Revival Camping Centre, Sihphir Neihbawia neih mek Hulhliap Short Stay Centre (SSC) batch 5-naa lut chhungte pualin nimin khan Dawrpui Multipurpose Hall-ah hun hman a ni a; Hulhliap SSC kalpiu dan inhrilhfiah a ni.

Hulhliap SSC-a lut chhungte puala hun hman hi Task Group on Sponsorship & Referral Services buatsaih a ni a, Hulhliap Core Committee chairman Malsawmzuala Ralte-in kaihruaiin, inlawmna thu a sawi a; Sponsorship & Referral Services convener Zonunthari'n Hulhliap SSC chungchang leh camping neih tawh dan a sawifiah.

Task Group on Sponsorship & Referral Services member pathum - Dr Henry Zodinliana Pachuau, MZU professor, SSWRC counsellor Vanlalchhanhimi leh Moses Zofaka ten thu an sawi a; Hulhliap SSC-a lut mekte an lo chhuah huna an nu leh pa, an chhungte'n an lo dawnsawn dan turte leh thil pawimawhte an sawi a ni.

Hulhliap SSC thawh ngana neih mek a ni a, November 17, 2025 aṭangin thawh rukna ṭan leh a ni ang. December thlaah erawh camp a awm dawn lo a; ruahman dan chuan March 2026 thla thleng camping buatsaih tum a ni.