'I Kawtkaiah Sorkar' buatsaih

Lunglei DC office bultuma mipuite'n sawrkar hmalaknate an chhawr ṭangkai theihna atan an khuaa kal chilha service hrang hrang pekna, 'I Kawtkaiah Sorkar' (Prashasan Gaon Ki Ore) thawh hnihna chu nimin khan Lungsen leh a chhehvel khaw mipuite tan Lungsen BDO Complex-ah buatsaih a ni.

Lungsena 'I Kawtkaiah Sorkar' buatsaihah hian department/pisa hrang hrang - Lunglei DC, Lungsen BDO, PHE, Power & Electricity, Health & Family Welfare, Agriculture leh Horticulture department-te leh bank-te'n stall an hawng a, awlsam zawka mipuite dawr theih turin an inpho chhuak.