Minister-in workshop a hawng

Social Welfare, Women & Child Development minister Lalrinpuii chuan nimin khan Aijal Club-ah Asian Development Bank (ADB) buatsaih, ‘Workshop on Assistive Care and Technology for Inclusive Health & Social Care System’ a hawng.

Lalrinpuii chuan, zirhona chu sorkarin a hman mek Mizoram Universal Healthcare Scheme nena inhne rem tur tak a nih thu a sawi a; pianphunga rualbanlote tana puitu leh an hmasawnna kawnga tha thawh thei tura inchher hriamna atan hman tum turin kal khawmte a chah.

Mizoram sorkar ang pawhin ADB chu sorkar thawhpui hlun leh rintlak tak, sum leh pai mai ni lo, a taka chet chhuah thlenga sorkar thawhpuitu a nih thu sawiin Minister chuan, workshop chu hlawhtling taka hmang theuh turin kal khawmte duhsakna a hlan a ni.