Zirlai study tour senso tur hlan

Minister of state Lalnghinglova Hmar chuan nimin khan a pisaah a bial Aizawl West-II chhunga sikul paruk hnenah MLA fund aṭangin study tour senso puihna tur Rs 3,49,940 a hlan.

Lalnghinglova Hmar chuan, kumin May thla khan a bial chhunga sorkar sikulte a tlawh kual thu sawiin, "Sorkar sikul hi khawsak harsa zawkte luhna a ni a, mi harsa zawkte ṭanpui kan duh avangin a theih dan kan ngaihtuah. Academic session tharah chuan kan bial chhunga sorkar primary school zirlai zawng zawngte school uniform pheikhawk a thlawnin kan pe vek ang," a ti.

MLA fund aṭanga puihna dawngte chu - Dinthar Primary School-II, Tuikual North Middle School, Kanan Primary School, Tuikual South Middle School, Dinthar High School leh Dawrpui Vengthar Middle School te an ni.