CYMA-in NH kawng enfiah an rêl

Kum 2025-2027 chhung atana YMA Central Executive Committee member tharte ṭhutkhawm hmasa ber chu November 3, Thawhṭanni zan khan Central YMA Committee Room-ah neih a ni a, Vairengte leh Sairang inkar national highway chhia siam mek a hmunah enfiah an rêl.

Ṭhutkhawm hi CYMA president R Lalngheta'n a kaihruai a, member 69 an tel. Mizoram châk lâkna kawngpui Vairengte - Sairang inkar kawng chhia leh siam mek chu November 8, 2025 (Inrinni)-ah a hmunah endik an rêl a, a ṭul anga hmalak zui ni se, an ti.

Kum 2025-2027 chhunga CYMA hnuaia sub-committee hrang hrang member tur Aizawl khawpui chhung YMA branch tin aṭangin mi pathum zel ruat an rel a; páwl inrêlbâwlna thilte an rêl bakah, Sakawrdaia YMA Inkhawmpui Lian vawi 75-na hman zawh tâk an thlir let bawk.