Annual Art Exhibition 2025 ṭan a ni

Directorate of Information & Public Relations leh Mizoram Art Development Society chuan nimin khan IPR Lianchhiari Rûnah Annual Art Exhibition 2025 an buatsaih a, IPR minister B Lalchhanzova'n hawngin, lemziak intihsiaka ti ṭhate hnenah lawmman a hlan.

Exhibition hi November 14, 2025 thleng neih tur a ni a, artist 56-te'n an lemziak leh lem tuk 100 an pho chhuak. MADS leh IPR ṭang dun buatsaih lemziak intihsiaka ti ṭhate hnenah khuallian B Lalchhanzova leh khualzahawm IPR director K Vanlalsangi ten lawmman an sem a ni.

B Lalchhanzova chuan, art chu thil ril leh ropui tak, mi zawng zawngin an tih ve vek theih loh a nih thu a sawi a, "Zau zawka Mizo artist-te kutchhuak chawi lâr zel ka duh a, sorkar pawhin a remchan dan angin ruahmanna a siam belh zel. NGO-te leh civil society-te hi an din chhan ber, an thil tumh an chian tlat a pawimawh a, hemi kawngah hian MADS-te'n hma inla ṭha hlein ka hria," a ti.