Vangpui Tualvawt Chhuanthar Futsal Hunpui Minister-in hawng

Minister PC Vanlalruata chuan nimin khan a bial chhunga Vangpui Tualvawt Chhuanthar Futsal Hunpui a hawng a; Sports & Youth Services minister Lalnghingloa Hmar-in Chhuanthar Futsal phûllem phah thar a hawng bawk.

PC Vanlalruata chuan, football ground puitling sual chhuah ngei an tum dawn thu a sawi a, "Zoram mipuiin Chhuanthar mipui taimakzia leh mahni inthunna an neih ṭhatzia an hria a, kan taimakna leh invawnna hi Mizoram mipuite'n an entawn mek. Faina leh thianghlimna kawngah te, ruih theih thil laka inthiarfihlim kawngahte mi dang entawn tlak nih i tum zel ang u," a ti.

Sports minister Lalnghingloa Hmar pawhin thu sawiin, Chhuanthar fustal ground-a phûllem phah a ni chu a lawmpui thu a sawi a; football khelmual puitling siam chungchang chu bialtu MLA nen an sawi dun tawh thu leh, tun term chhung ngeia khelmual puitling siam hman an inbeisei thu a sawi bawk.