Ramngaw humhalh chungchang sawiho

Nimin khan ramngaw (forest) humhalh chung-changah Lunglei District Level Committee (DLC) chu a ṭum lina addl DC Zoram-dini hoin DC conference hall-ah an ṭhukhawm.

Ṭhutkhawmnaah hian Revenue, DLAO, Agriculture leh Forest department aiawhte bakah, Thlengang, Belkhai, Vaisam leh Mausen khua VCP-te leh YMA president-te an tel. District Level Committee hi State Expert Committee rawtna anga sorkarin a din a ni.

Supreme Court chuan sorkar reserve forest pawna ramngaw ṭhate mumal zawka humhalh a nih theih nan zir chiang a, report pe turin state tin a hriattir. Lunglei district chhunga heti ang ram awmte zir chiang a, kum 1997-a dtate sorkarin affidavit hmanga Supreme Court-a a lo theh luh tawhho leh hmun danga ramngaw ṭha humhalh turte dinhmun report siam a, expert committee hnena theh lut leh turin District Level Committee hi din a ni.

Lunglei DFO Lalduhthlana chuan October 24, 2025-a State Expert Committee ṭhukhawm thutlukna sawi fiahin, kum 1997 affidavit-a ramngaw humhalh tur theh luh tawhte chu tihbo theih a nih tawh loh thu leh hengte hi VC, YMA leh Revenue department-te nen zir chian a, a zau zawng leh ramrite felfai taka report siam a ngaih thu a sawi.

Forest department GIS Cell lamte be rawnin, a ṭul dan angin sorkar department, VC leh YMA-te nen ramngaw humhalh tur zir chianna hi kalpui ni se, State Expert Committee duh dan angin November 29, 2025 ral hmaa report theh lut hman turin hma lak ni se, tih a ni.