Heroin neitu Kum 10 hrem

Champhai Special Court-a judge R Vanlalena chuan, heroin hawng 38 neitu Lallawmsanga (32) s/o C Sangvela, Champhai Vengsang, Aizawl Zuangtuia khawsa mek chu kum 10 chhung jail-a táng tur leh Rs. 1,00,000 chawi turin a hrem.

Champhai police aṭanga thu dawn danin, February 22, 2018 tlai dar 2 velah Khankawn police checkpost-ah truck MZ-02 A-5102 an enfiahnaah heroin hawng 38 (gram 450.8) an man a; FIR thehluh niin, Champhai Police Station-ah thubuai ziah luh a ni.

Champhai District Court chuan thuhretute thusawi, police-te thil hmuh chhuah leh laboratory test result-te a zir chian hnuah hremna a tichhuak ta a ni.