KHAWTHLIR
IAS-ah kaisang
Mizoram Civil Service (MCS) pali - Dr Lalzirmawia Chhangte, K Lalrinzuali, V Lalsangliana leh J Hmingthanmawia te chu Indian Adminis-trative Service (IAS)-ah kaisantir an ni. Hemi chungchangah hian sorkar laipuia Ministry of Personnel Public Grievances & Pension chuan December 3, 2019 khan notification a tichhuak a ni.
Thisen pe
Border Security Force (SSF) 90 battalion, Sakawrtuichhuna awmte chuan an kum 55-na pualin nimin khan Aizawl Civil Hospital tan thisen unit 18 an pe.
Chawlh lâk phal
Mizoram State Games 2019, December 9-13 chhunga Aizawla neih turah, sorkar hnathawk tel tur leh official anga ṭang turte chu Mizoram sorkarin special casual leave lak a phalsak a; leave la tur hian controlling officer-te pawmpuina lak hmasak a ngai thung.
HCS hun pawtsei
Mizoram sorkar chuan mipuiin zau zawka Health Care Scheme an hman theihna turin AB-PMJAY leh Mizoram State Health Care Scheme a chhùn fina, HCS-a inziah luh hun pawh kumin December thla chhung a pawtsei. AB-PMJAY hnuaia golden card nei, HCS-a inziak lut duh tan pawh inziah luh theih a ni.
MHIP hawng
MHIP Gen.Hqrs. chuan nimin khan Hnahthial Venglai YMA Hall-ah MHIP sub-headquarters, Hnahthial an hawng. Hawnna inkhawm hi MHIP Gen.Hqrs. vice president Saipuii leh hruaitu dangten an hmanpui a ni.
Public Health Outreach Prog.
National AYUSH Mission chuan nimin khan Mizorama district khawpui hrang hranga fahrah naupang enkawlna home/centre-ah Public Health Outreach Programme an hmang.