Gas man bithliah thar a ni

Indian Oil Corporation-in eirawngbawlna gas (LPG) man a tihchhuah thar zûlzuiin Food, Civil Supplies & Consumer Affairs department chuan gas man a bitliah thar. Domestic cylinder (kg 14.2) man tihdanglam a ni lo a, gas bûr dang pathum erawh tihdanglam a ni.

FCSCA department tarlan danin, Vairengte tih loh hmun dang zawngah gas domestic cylinder man Rs 1,005 a ni a; hriat theih chinah June 2025 aṭang khan domestic cylinder man tihdanglam a la ni lo. Commercial cylinder (kg. 19) man Rs 2,037 (October-ah Rs 2,043), XtraTej (kg. 19) man Rs 2,059.50 (October-ah Rs 2,065.50) leh composite (kg. 10) man Rs 724 (October-ah Rs 723.50) a ni.

Vairengteah chuan domestic cylinder Rs 996 a ni a, commercial cylinder Rs 2,023 (October-ah Rs 2,029), XtraTeJ Rs 2,045.50 (October-ah Rs 2,051.50) leh composite Rs 714 (October-ah Rs 714) a ni thung.

Gas man bithliah thar hi November 1, 2025 khan hman ṭan ni.