Lungleia MzSU din tura hmalakna thlâwp turin Synod aiawh ngen

Mizoram State University Demand Committee, Lunglei chuan Lungleiah Mizoram State University din a nih theihna tura hma an lakna kal zelah nimin khan Lungleia Mizoram Presbyterian Kohhran administrative secretary Rev. H Lalhmingmawia chu a pisaah an kâwm a, an hmalakna thláwp turin an ngen.

MzSU Demand Committee hruaitute hian Synod Administrative Secretary chu Mizoram State University chungchanga hma an lak tawh dan leh an hmachhawpte an hrilh a; Mizoram chhim lam zirlaite tan leh Mizoramah rualkhai zawka zirnaa hmasawnna a awm theih nan MzSU chu Lungleiah din a ṭul thu sawiin, an hmalakna thlawp turin an ngen a ni.

MzSU Demand Committee hruaitute hian Baptist Church of Mizoram hruaitute pawh an kâwm tawh a; Lungleia kohhran pawl dang hruaitute kawm zel an tum a ni.