CM-in Union minister-te a kâwm
Chief minister Zoramthanga chuan December 3, Thawhlehni khan Union minister of state for Tribal Affairs Renuka Singh Saruta chu New Delhi-a a chenna inah a kâwm a; Mizoram mamawh hrang hrangte leh hmalakna hrang hrang kalpui mekte a sawipui. Renuka Singh Saruta chuan, Mizoram State Games atana sum mamawh chungchangah ministry-a secretary a sawipui dawn a, sum ngaihtuahpui a inhuam thu a sawi.
CM Zoramthanga hian Thawhlehni vek khan External Affairs minister Subrahmanyam Jaishankar pawh New Delhi-a a pisaah a kâwm a; JICA sum hmanga Mizorama kawngpui ṭhenkhat siam chungchang te, Zokhawthara Land Customs Station tihchangtlunna tur leh India Act East Policy chungchangte a sawi a ni.