Chawnpui YMA-in plastic/sarâng lei

Chawnpui Branch YMA hnuaia 'Faina Beihpui Komiti' chuan faina beihpui an kalpui mekah nimin khan plastic ûm (bottle) leh sarâng an lei khawm a, kg khat Rs 30 zela leiin, kg 150 chuang an lei hman.

Chawnpui Branch YMA hruaitute chuan, plastic/sarang hman hnu (bawlhhlawh) an lei khawm chu environ-ment chhe zel tur venna te, a bikin luia nungcha chereu zel tur venna atan leh, leimin tur venna atante a nih thu an sawi a, "Plastic bottle ruak leh sarang tam tak kan lei khawmte hi paih mai loin, a theih chin chinah thil ṭangkai tak siam nan hman dan ngaihtuah a ni ang," an ti.

UDPA department, Aizawl Smart City Ltd, AMC leh Central YMA ṭanghoin Aizawl city huam chunga YMA branch-te fainaa inelna an buatsaih mekah Chawnpui Local Council uapna hnuaiah an venga tlawmngai pawl hrang hrang - kohhran tin ṭhalai pawl te, sikul tin aiawh te, taxi welfare leh hawker zawng zawng nen ṭangrualin 'Faina Beihpui Komiti' an din tih an sawi.