Thu dik lo chhuahah ZPM ṭhalai puh

MNF ṭhalai, Mizo National Youth Front (MNYF) chuan thuchhuah siam­in, ZPM ṭhalaiin December 3, 2019-a thuchhuah an siamah Union Home minister Amit Shah hoa CAB sawihonaah political party aiawha tel lo zinga MNF an sawi tel chu thu dik lo a nih thu an tarlang.

MNYF chuan, Amit Shah hoa CAB sawihonaah MNF aiawhin minister of state TJ Lalnuntluanga a tel tih sawiin, "Thu dik lo hmanga thuchhuah an siam hi kan dem hle a ni. CAB chungchanga Union Home Minister hmuh hun hi MNF chhungkua insingsak fel lai a nih avangin kan president Pu Zoramthanga a tel hman lo a, December 2, 2019 zan khan Amit Shah hi a chenna inah hmuin, CAB chungchang a sawipui leh tho a ni," an ti.