Hmun ṭhenkhata lirthei tlân dan tidanglam
Aizawl Traffic SP Rodingliana Chawngthu chuan Vaivakawn, Hunthar Veng leh Chanmari West inrina báwr kawngpuia lirthei tlan dan tur leh Mission Veng - Kulikawn via Damveng-Venghnuai kawngpuia lirthei tlan dan tur tihdanglam a nih thu a puang.
Lirthei tlân dan tur
a Vaivakawn (Hunthar péng) leh Company péng inkarah chhuk leh chho zawngin two wheeler-te chiah tlân phal a ni.
a Chanmari West kâwipui aṭangin NH-54 lam pana LMV leh two wheeler tlan turte chu MUP Road, Chanmari West kaltlangin chhuk zawng chauha tlan theih a ni.
a Edenthar veng (Lalsangliana pump) leh Chanmari West kawipui inkarah (tlai dar 3-6 inkar tiam loin) LMV leh two wheeler-te chho zawng chauha tlan phal a ni.
a Chanmari West kawipui leh Lalsangliana petrol pump inkarah LMV leh two wheeler-te chhuk zawng chauhin tlai dar 3-6 inkarah tlan theih a ni.
a Ramrikawn-Lungverh via Sakawrtuichhun kawngah engtik lai pawhin LMV leh two wheeler-te chhuk leh chho zawngin an tlân thei a, chho zawngin 407 truck chin chung lamte an tlan ve thei lo.
a Chanmari West (AMC Road)-ah LMV leh two wheeler, NH-54 pana kal turte chu chhuk zawng chauha tlan phal a ni.
a Vaivakawn leh Edenthar Veng via Hunthar Veng, Chanmari West, etc. inkar kawngpui dungah lirthei leh bungrua dah phal a ni lo.
a Bawngkawn-Rangvamual-Ch Saprawnga truck terminal inkarah lirthei lian (HMV)-te kawng sírah dah phal a ni lo. Hei hian Bawngkawna tipper stand-a ding lirthei liante a huam lo.
a PWD-in nimin aṭang khan Mission Veng - Kulikawn via Damveng & Venghnuai kawng siamṭhat hna zing dar 9:30 leh tlai dar 4:30 inkarah an thawh
ṭhin dawn avangin, lirthei tlân dan sîksawi a ni. Mission Veng - Venghnuai pêng inkar siam hmasak chhungin Venghnuai-Kulikawn inkar kawng hawn a ni dawn a; Venghnuai pêng-Kulikawn inkar siam laiin Venghnuai péng-Mission Veng inkar hawn a ni thung ang.