Pukpui-in an huam chhungah Music Festival buatsaih remti lo

Pûkpui Local Council leh pawl hrang hrangte chuan an huam chhung Kawmzawlah Leitlangpui Music Festival buatsaih rem an tih loh thu nimin khan Lunglei Bawrhsap hnenah an thlen.

Lunglei aṭanga thu dawn danin, Pukpui khawtlang hruaitute chuan, an veng huam chhunga Leitlangpui Music Festival buatsaih turah khawtlang hruaitute biakrâwn an ni lo tih tarlangin, lungawithlak loh an tih thu leh inpalzutnaah an ngaih thu Bawrhsap hnenah an thlen a; hei vang hian Kawmzawla Leitlangpui Music Festival buatsaih rem an tih loh thu an hrilh a ni.

Rem an ti lo chunga Leitlangpui Music Festival buatsaih a nih chuan, buaina leh harsatna awm thei thilah mawh an phurh loh tur thu Pukpui khawtlang hruaitute chuan an tarlang bawk.