College zirtirtute'n inkhawmpui an hmang

Mizoram College Teachers' Association (MCTA) chuan nimin khan Institute of Advanced Studies in Education (IASE) Auditorium-ah Annual General Conference vawi 46-na an hmang a, Mizoram hmun hrang hrang aṭangin college zirtirtu 250 an tel.

MCTA inkhawmpui hi an vice president CVL Tlanhlua'n a kaihruai a; president Dr Samuel J Laltlanzauva'n thu a sawi bakah, report hrang hrang ngaihthlak a ni. Hun hnihnaah President kaihhruaiin rorel a ni a, hun thumnaah MJA kaihhruaiin kum 2025-2028 chhunga MCTA office bearer turte an thlang.

MCTA office bearer atan hian president-ah CVL Tlanhlua, vice presi-dent atan Dr Samuel J Laltlanzauva, general secretary atan Dr Samuel Vanlalthlanga leh treasurer atan Dr Lalrinsangi Nghinglova te an thlang a ni.

MCTA-ah hian Mizoram sorkar hnuaia college/institution-a regular-a thawkte an tel a, member 597 an awm mek a ni.