SEDP hnuaia mau/rua chìnna hmasa ber tur Hmunpui khua

Bamboo Development Programme hnuaia awareness campaign hmasa ber chu December 3, Thawhlehni khan Hmunpui khuaah neih a ni a, khuallian, Bamboo Development Board vice chairman Dr K Pachhunga chuan, SEDP hnuaia mau/rua chìnna hmasa ber model village atan Hmunpui khua thlan a nih thu a sawi.

Dr K Pachhunga chuan, Hmunpui khuain mau/rua ching turin ṭhahnemngai taka hma an lak a beisei thu leh mau chíng tura ram bawh bik tur ram zau tak khaw­tlangin an thlang fel tawh chu lawmawm a tih thu a sawi a; rua chu a chíngtute hlâwkna tur a ni tih hre chungin theihtawp chhuah turin Hmunpui khaw mipuite a sawm.

Horticulture director Dr Elizabeth Saipari pawhin thu sawiin, mau/rua chìnna turin zau mumal taka siam a nih dawn thu leh, mithiamte ruahmanna angin raw lian chi, Dendrocalamus brandisii chìn a nih tur thu a sawi.