Heroin tawlhrukna-a a bultumtu ber nia hriat Delhi-ah an man

Mizoram Police chuan heroin kg 15 an man an chhuizui zelnaah tun hnai khan Delhi-ah a bultumtu ber nia hriat Joseph Lianthangpuia (42) s/o Lianchhuma (L), Chanakya Place, New Delhi chu an man.

Police-te chuan August 23, 2025 khan lirthei pakhat MZ/01 X - 1909, Lalliancheua (20) s/o Challianzula, Falam, Myanmar khalh aṭangin heroin kg 15 an man a, thubuai an ziaklut a ni. Police-te chuan he thubuai hi chhuizui zelin, a bultumtu ber nia hriat Joseph Lianthangpuia hi Special Bureau leh Delhi Police puihnain an man ta a ni.

Special Bureau leh Delhi Police-te chuan Joseph Lianthangpuia man tura Delhi-a kal Champhai Police Team-te chu court-a phalna lak leh, thlawhtheihnaa phurh dan tur thlengin an pui a ni.