Dan kengkawhtute inring reng turin hriattir

Naktuka Dampa bial MLA by-election neih turah Mamit district election officer K Laltlawmlova chuan inthlan nía dan bawhchhiat theihte a tarlang a; inthlanna zalen, dik leh ralmuang tak a awm theih nan inthlan kaihhnawih dan kengkawhtute inrálring reng turin a hriattir.

Mamit DEO tarlan danin, Model Code of Conduct leh Election Commission of India inkaihhruaina kalha mahni duh zawng vote-tir tura mi dangte lirtheia hruai phal a ni lo a, mi dang hneh tuma thamna pek te, ei tur leh in tur tawktarh te, tih luihnaa mi dang vote-tir te, vote thlakna hmun aṭanga metre 100 aia hnaia vote zawn leh party symbol tarlan te, metre 100 huam chhunga hriamhrei kente phal a ni lo.

Presiding officer, polling personnel, sector officer leh venhimna lam hna thawktute chu inrálring reng tur leh, inthlan nía dan bawhchhiatna leh thil ṭha lo thleng a awm palh pawha che nghal zung zung turin a hriattir nghal bawk.

DEO-IN INTHLAN BAWHCHHIAT THEIHNA A TARLANTE

* Mi dang hminga vote thlak.
* Mi dang hneh tura thil thlawn pek (thamna), ei tur leh in tur tawktarh, tihluihnaa mi dang vote-tir
* Polling station, ballot paper/EVM-te hnehchhuha thunun.
* Voter-in a vote thlak dan pho chhuahsak/hriatsak tum.
* Polling station chhunga buaina siam leh vote thlak tur tihkhaihlak.
* Vote thlakna hmun aṭanga metre 100 aia hnaia vote zawn leh party symbol tarlan.
* Vote thlakna hmun aṭanga metre 100 huam chhunga silai/ralthuam dang ken.
* Phalna nei loa inthlanna hmanrua (ballot paper/EVM) tihdanglam/tihchhiat.
* Polling official-te'n dik lo taka vote thlak tura mi dang ṭanpui.
* Inthlanpuitute'n inthlanna kenkawh chungchanga tih tur an bituksak hlen loh.
* Polling station-a vote thlak tura kalte vote thlak lo tura vau/dan beh.
* MCC leh ECI inkaihhruaina kalha mahni duh zawng vote-tir tura mi dangte lirtheia hruai.
* EVM/VVPAT hnathawh dan pangngai tibuai tura khawih danglam/tihdanglam tum.
* Election bungrua leh sorkar bungrua tihchhiat.