Non Notified Forest Area thar tur pahnih pawm

Serchhip bawrhsap Paul L Khuma hoin nimin khan Serchhip DC Meeting Hall-ah Serchhip district-a Non Notified Forest Area chungchang sawiho a ni a; NNTF area thar atan rawtna lut zingah Bawktlanga Lalvunga Hmun liam leh East Lungdar-a Khurthar Chung an pawm.

Rawtna lut zingah North Vanlaiphai ram erawh ruahmanna dang a lo awm tawh avangin tel loh mai ni se, Expert Committee ah ziak thlen ni se tiin an rel. Ziakna puk, Leng VC huamchhunga awm pawh RO te leh khawtlang hruaituten lo a ram chungchang sawiho leh se, tih a ni.

Serchhip district chhung sorkar reserve pawna sawrkarin thing phunna a lo neihte chu record felfai taka siam tur a ni. Heng sorkar plantation-te hi forest area zingah rin luh vek tur an ni. District Level Committee chuan heng record-te hi November ni 29 ral hmain State Level Expert Committee-ah hriattir tura tih an ni. Record siam a nih theih nan stakeholders - VC leh mi pawimawh dang te nena sawiho hmasak ni se, tiin an rel.

Ṭhutkhawmah hian LAD, EFCC leh Revenue department hotu te, Serchhip District Joint VC, Sub-Headquarters YMA, Neihloh Branch YMA, Thenzawl East, Lungpho, Lungkawlh, North Vanlaiphai, Léng, East Lungdar leh Bawktlang VC-te an tel a ni.