Apprenticeship Promotion Scheme zirho

Labour, Employment, Skill Development and Entrepreneurship Department(LESDE) department chuan November 10, Thawhṭanni khan DC conference hall-ah National Apprenticeship Promotion Scheme (NAPS) leh apprenticeship portal chungchang inzirtirna an buatsaih.

Awareness programme-ah hian LESDE mission manager Saizampuii Sailo-in PM-NAPS leh apprenticeship portal chungchang sawifiahin, Henry Vanlalduhsaka'n apprenticeship portal-a inziah luh dan a sawifiah a; zawhna leh chhanna hun hman a ni.

Zirhona kaihruaitu Saitual bawrhsap Dr Lalngura Tlau chuan, zirlaite chu lehkha an zirnaah hna thawh dan zirtir an ni lo niia sawiin, "NAPS hian ṭhalaite chu an hnathawhna leh eizawnna kawng hrang hrangah a chher hriam dawn a, Saitual district-a ṭhalaite tan hmasawnna nasa tak a thlen dawn a ni," a ti.

NAPS hi industry hrang hranga apprenticeship training neih theihna tura hmalakna niin, August 18, 2016-ah hman ṭan a ni a; hna thawktute hnenah thla khatah stipend Rs 3,000 thleng pek ṭhin a ni. Thla tin Thawhṭanni vawi hnihnaah PM National Apprenticeship Melas (PM-NAM) buatsaih ṭhin a ni a, candidate-te chu apprenticeshipindia.gov.in kaltlangin establishment-te nen thlun zawm an ni.