Dampa by-election-ah vote 83.07% a tla

November 11, Thawhlehnia Dampa biala MLA by-election-ah zan dar 8 velah vote thlak zawh a ni a; voter 20,888 zinga 83.07%-in vote an thlâk.

Election hotute tarlan danin, Dampa by-election vote thlak zawh takah hian EVM/VVPAT hmangin voter 20,888 zinga mi 17,351-in vote an thlak a, vote tla percentage chu 83.07% a ni. Postal ballot hmanga vote tla zat erawh hriat a la ni lo a, vote chhiar hunah hriat theih a ni ang.

Dampa by-election-ah hian vote tlak ṭhatna ber pollibf station - Hruidukah voter 666 zinga 620-in vote an thlak a, vote tla hi 93.09% niin, polling station 41 zinga 90% vote tlakna awm chhun a ni. Vote tlak ṭhat lohna ber Zopui PS-ah voter 29 zinga 22 (75.86%)-in vote an thlâk.

Dampa bialah hian polling station 41 a awm a, chu'ng zingah PS 30-ah vote tla zat 80% a kai a; a bak PS 10-ah chuan vote tla 75-79% inkar a ni.

Vote thlakna khawl EVM-te chu Mamit District Election Officer (DEO) pisaa strong room-ah dah luh kim a ni tawh a; vote tlate hi naktuk zing dar 8 aṭangin chhiar a ni ang.