Silai tung turin hriattir

Lawngtlai district magistrate Donny Lalruatsanga chuan LADC MDC inthlanpui lo awm turah mipuiin ralmuang tak leh rilru fîm taka vote an thlak theih nan district chhunga silai license neite chu an silai kawlte an awmna khua/veng aṭanga hnai ber police station/out post-ah tung vek turin a hriattir.

Lawngtlai District Magistrate chuan, phalna la hmasa loin aurinna hman phal a nih loh thu te, sum leh pai hmanga inlei emaw, vote hralh leh zawrh phal a nih loh thute a tarlang a, "Mi tinin zalen leh lungmuang takin vote an thlak ṭheuh tur a ni," a ti.

Thupek hi BNSS, 2023 tlawhchhanin chhuah a ni a, thupek thar a awm hma chu thla hnih chhung hman tur a ni. Thupek zâwm lote chu dan hmanga hrem theih an nih thu tarlan a ni bawk.