Tualte khuaa JH Lalnummawia te chhungkuain buh phur 1,200 an thar

Tualte khuaa JH Lalnunmawia te chhungkua chuan kuminah buh phur 1,200 an thar a; November 15, Inrinni khan chief minister Lalduhoma hoin a lawmna hun hman a ni.

Sorkar thuchhuah tarlan danin, JH Lalnunmawia hian Tualte khuaa Artlang ramah ṭín 17 hmuna zauah buh a chîng a, phur 1,200 (ṭín 3,600) a thar a ni. Tualte khua hian kuminah sawhthing aṭangin cheng nuai 163 an la lut a, tomato aṭangin cheng nuai 175 vel an la lut tawh bawk.

Lalduhoma chuan, buh ṭin 3,600 thartu JH Lalnunmawiate chhungkua a lawmpui thu sawiin, mite tana malsawmna ni zui zel turin a chah a, "Sorkarin kut hnathawktute a ngai pawimawh a, sawhthing thartute iptea support price lut ringawt pawh hi a tam tham hle. Hnathawktu, mi taimate tan káwl a êng mek a ni," a ti.

Buh thar lawmna in­khawm­ah hian Agriculture minister PC Vanlalruata leh Assembly deputy speaker Lalfamkima te pawhin thu an sawi a; Agriculture director R Lalnunzira'n inkhawm a kaihruai a ni.