Lawngtlai DEO-in kawng bawhzui

Lawngtlai district election officer Donny Lalruatsanga chuan November 15, Inrinni khan inkalpawhna kawngpui chungchangah PWD hotute leh kawng siamtu contractor-te a kâwm.

DEO chuan, LADC inthlanpuiah election duty-te'n a hun taka an awmna tur hmun an thlen ngei a ngaih avangin kawng thawm ṭhat ngaite a theih ang anga thawm turin a chah a; kawngpui dinhmun leh lirthei tlan theih chinte a hnena hriattir thuai turin PWD hotute a chah bawk.

Lawngtlai election officer Collin Hlychho chuan inthlanna hlawhtling tak nei tur leh harsatna tawk lo tura thawhpui turin PWD leh contractor-te a chah a, election official-te tana harsatna siam lo tur leh inbiak pawh a ngaih hunah pawh tha taka indawrna a awm theih nan a thawhpuiah a sawm nghal a ni.