KHAWTHLIR

Thisen pe

November 15, Inrinni khan KṬP, Aizawl Kohhran Branch chuan ZMCH tan thisen unit 29 an pe a, petute mipa 20 leh hmeichhia pakua an ni a; KṬP, Sihphir Bialin Synod Hospital tan unit 25 pein, petute mipa 17 leh hmeichhia pariat an ni. Lunglei Civil Hospital tan Sertlangpui PYD (NEI)-in unit 19 an pe. Civil Hospital, Aizawl tan Buarpui Ṭhalai Ṭangrual Pawlin unit 16 pein, petute mipa 12 leh hmeichhia pali an ni a, KṬP, Ramhlun Vengchung Branch-in unit 12 pein, petute mipa pakua leh hmeichhia pathum an ni. ṬKP, Zotlang Unit-in unit 12 leh Thingsul Tlangnuam Branch YMA-in unit li an pe bawk.

Election training

Lai Autonomous District Council inthlanpui neih tura sector officer leh police sector officer te pualin November 15, Inrinni khan DC pisaah training buatsaih a ni. District election officer Donny Lalruatsanga chuan, polling official-te kutah inthlan hlawhtlinna thui taka a innghah thu sawiin, theihtawp chhuah turin a chah.

'Lives in transition'

Mizoram University-a International Affairs office leh Thailand-a Chiang Mai University-a School of Social Sciences chuan November 14, 2025 khan MZU-ah 'Lives in transition' tih thupui zirhona an buatsaih. Sahimna himna tura mahni ram chhuahsana raltlante chungchang zirho a ni.