NERPC meeting Aizawlah nghat dawn

North Eastern Regional Power Committee (NERPC) meeting vawi 30-na chu November 14, 2025 khan Srinagar, Jammu & Kashmir-ah neih a ni a, nakkum NERPC meeting chu March thlaah Aizawla nghah turin an rêl.

NERPC meeting-ah hian Power & Electricity minister F Rodingliana chuan hmarchhak biala state tinte kawlphethaah an intodelh a, hmarchhak biala energy security a awm theihna atan Regional Power Committee member-te nasa zawka intêl khawm a ṭul thu a sawi.

F Rodingliana hian tuikhuah tênau khuahna tur Central Subsidy Scheme for North East ruahman mekte rang taka sorkar laipuiin a tihchhuah theih nan leh ministry-te'n hmarchhaka hmasawnna hna thawhna tura an annual budget aṭanga 10% an serh hran a nihna ang taka hmarchhaka hmasawnna hna thawhna atan hman zung zung a nih theih nan hma lakpui turin kal khawmte a sáwm.

Ministry of Power hnuaia din NERPC-ah hian hmarchhak state pasarih an tel a; tun ṭum ṭhutkhawmah hian Sikkim chuan NERPC-a tel a dil a, chhan hrang hrang vangin remtih a ni lo. Mizoramin March 2026-a NERPC a thlen tur hi a vawi khat thlenna tur a ni.