MP-in a hun taka kawng siam zo turin NHIDCL hotute a hrilh

Kolasib District Development Coor-dination and Monitoring Committee (DISHA) chu nimin khan an chairman Richard Vanlalhmangaiha, Lok Sabha MP kaihhruaiin Kolasib DC conference hall-ah an ṭhukhawm a; MP chuan, a hun taka kawng siam hna zo turin NHIDCL hotute a hrilh.

Richard Vanlalhma-ngaiha chuan, kawngpui thawm ṭhat chungchangah, NHIDCL aiawhte chu chak zawka kawng siam turin a hrilh a, "NH-306 leh NH-06 te hi Mizoram châk lakna ber a ni tih hriain, tun aia chak zawkin hna thawk ula, hun tiam chhung ngeiin zo ang che u," a ti.

Lok Sabha MP chuan, Mizoramin Lok Sabha-ah MP pakhat chauh a neih avang leh district 11 a awm avangin, DISHA danin quarter tina meeting neih tura a tih chu a dan ang thlap a kalpui a harsat thu a sawi a; ṭhutkhawma telte chu an hun hmang ṭangkai a, zawhna leh sawi duh nei pawhin inthlahrung loa sawi turin a chah.

Ṭhutkhawmah hian Kolasib-a sorkar department hrang hrang aiawhte an tel a, an department hmalaknate an tarlang a ni.