CYMA leh LC-te an inkâwm

Central YMA leh Aizawl City Local Council Association (ACLCA) hruaitute chu nimin tlai khan CYMA Office-ah an inkâwm a; ILP, dan loa hnam dang sumdawng, Aizawla kawng siam mek en zui leh ruihhlo do chungchangte an sawiho.

Inkawmhona hi CYMA president R Lalngheta'n a kaihruai a, CYMA-in ruihhlo donaah chak taka hmalak a tum thu sawiin, local council-te ṭawiawmna an mamawh dawn thu a sawi. ACLCA president C Lalbiaknunga pawhin, YMA-in ruihhlo donaa khawtlang tana ṭha tura an ngaih chu LC-te'n an dodal loh a ṭha tur thu a sawi bawk.

Inkawmnaah hian CYMA leh ACLCA aṭangin hruaitu panga ve ve an tel a; ruihhlo donaah YMA leh LC te ṭanho a ṭul dan te, hruaipuina lehkha pek chhuahah LC leh YMA tin an fimkhur a ṭul thute sawi lan a ni.