Pa khawi dan zirna buatsaih

Mushroom Centre, Mizoram Science, Technology & Innovation Council (MISTIC), Directorate of Science & Technology, Planning & Programme Implementation department buatsaihin nimin aṭang khan Innovation Facility Centre auditorium-ah kar khat awh tur pa khawi zirna 'One Week Capacity Building Progremme on Mushroom Production & Marketing Strategies' hawn a ni.

Training hawn inkhawm hi MISTIC principal scientific officer Samuel Lalmal-sawma'n a kaihruai a, khuallian MISTIC member secretar H Lalsawmliana chuan training-a tel zawng zawngte hnenah duhsakna hlânin, ṭhahnem ngai taka zir tur leh pa khawi hlawhtling zui thei ngei turin a fuih.

Chawhnu lamah technical session neih zui nghal a ni a, pa khawi lama mithiamten an zirtir zui.

He programme hi kâr khat chhûng awh tûr niin, pa khawi dân te, a khawina atana thil ṭul pawimawhte, pa chi hrang hrang khawina hmun buatsaih dânte leh sumdawnna lama hriat tur pawimawhte an zir zui dawn a ni.