SEDP Board 14-a vice chairman-te Minister of State rank-a dah an ni

Mizoram sorkarin an flagship programme SEDP hnuaia board hrang hrang 14 a dina vice chairman-te chu protocol thilah minister of state (MoS) rank an ni. Board-ah hian chairman chu a kaihhnawih department changtu minister-te an ni a, vice chairman-ah chuan MLA ni lai 10 leh MLA hlui pali ruat an ni. 

GAD-in notification a tihchhuaha a lan danin, SEDP board chairman-te chuan minister an nih anga hlawh an lak bak hlawh dang an nei dawn lo a, vice chairman zinga MLA-te pawhin MLA hlawh bak hlawh dang an nei lo ang. Hetih lai hian, vice chairman zinga MLA ni lote chuan thla tin Rs. 40,000 an hlawh dawn thung.

Board vice chairman-te chuan office an nei a, office staff atan LDC pahnih an nei thei a, pakhat chu personal assistant anga thawk tur a ni. LDC bakah hian group D staff pahnih an nei thei a; staff-te chu a zawm department-a thawktute aṭanga pawh tur a ni a, department-te hian pawh tur an neih loh chuan muster roll-in lak tur a ni.

Board zawng zawngte chu pool vehicle pahnih pek tur an ni a, Board term chu ṭhiah a nih loh chuan kum nga chhung emaw, ministry term chhung a ni. Hnathawktu MR-a lak an awm pawhin vice chairman term hun chhung atan a ni ang.

Board                                                    Vice Chairman 

Bamboo Link Road                                Ramthanmawia, MLA

Bamboo Development                        Dr K Pachhunga, MLA

Agriculture Development                    H Biakzauva, MLA

Rubber & Allied Crops Development    Lalrinsanga Ralte, MLA

Horticulture Development                    Prof. F Lalnunmawia, MLA

Veterinary & Fishery                            C Lalmuanpuia, MLA

Social Rehabilitation                            K Liantlinga, Ex-MLA

Health & Family Welfare                        Dr ZR Thiamsanga, MLA

Road & Infrastructure Development    H Lalzirliana, MLA

Land Revenue & Survey                    Rochhunga Ralte, Ex-MLA

Manpower Development                        Zothantluanga, MLA

Culture & Tourism Development            TC Pachhunga, Ex-MLA

Industrial Development                        C Ramhluna, Ex-MLA

Human Resource Development            L Thangmawia, MLA

•    Board-te hian anmahniin SEDP thil tum tihlawhtling turin hma an la thei.

•    An project hlawhtlinna atan sum hmuhna hmun hrang hrangah an zawng thei dawn.

•    Project hlawhtlinna atan an kaihhnawih department an kaihruai/vil thei ang.

•    Board chairman leh vice chairman, MLA ni laite'n hlawh hranpa an nei lo.

•    Vice chairman, MLA ni lote'n thla tin Rs. 40,000 an hlawh.

•    Vice chairman leh member-te'n sitting allowance ni khatah Rs. 1,000 an 

dawng thei.

•    Vice chairman leh member-te'n travelling allowance class-I officer angin an dawng thei.