Damdawi-ina awm mekte huam lo

Mizoram sorkar chuan mimal damdawi-in 15-te chu a pawmpuina (empanelment) a hlihsak (suspend) a; chutih rualin, chu'ng empanelment suspend order chhuah hmaa damdawi-in 15-a awmte chuan an inenkawlna senso sorkar aṭangin an la la (bill) thei dawn.

Mizoram Health Care Scheme Society hotute hnen aṭanga Vanglaini thu dawn danin, empanelment suspend order a chhuah tawh hnu lama empanelment suspend damdaw-ina inenkawlte chuan Mizoram sorkarah senso an bill thei tawh dawn lo a ni.

Tarlan tawh angin, Health department chuan December 4, Nilaini khan notification chhuahin, Mizoram State Health Care Scheme (MSHCS) Society hnuaia sorkar bituk (government approved) rate anga damlo an enkawl duh loh avangin damdawi-in 15-te chu a pawmpuina a hlihsak a ni.