MPF-in LADC inthlana hmalak dan tur duang

Mizoram People Forum (MPF), Lawngtlai District Forum Executive Committee chu nimin khan LIKBK Assembly pisaa Lairam Gospel Centenary Hall-ah an ṭhukhawm a; MPF general secretary Rev. Lalramliana Pachuau-in hmanpuiin, December 3, 2025-a Lai Autonomous District Coun-cil (LADC) inthlanpuia hmalak dan tur an duang.

Ṭhutkhawm hi MPF, Lawngtlai District Forum president Rev. Dr LH Lalpekhlua'n a kaihruai a, Rev. Lalramliana Pachuau-in inthlan vuakveta MPF hmalak dante leh, MPF leh political party-te thawhhona thuthlung a sawifiah a; Lawngtlai Forum MPF secretary Rev. Zionvarmawia'n hriat tur pawimawhte a sawi bawk.

MPF ṭhutkhawmah hian LADC inthlan chungchangah Lawngtlai DEO/DC kawm te, political party pali pisaah len a, an hruaitute kawm te, press conference neih te, MPF hmingin inthlan thuchah siam a, kohhran tina chhiar chhuah tura pek te, vote thlak ní-ah Lawngtlaia polling station-te tlawh kual te an tel a ni.