Minister hoin PM Event chhim

Ram puma ruihhlo do beihpui thlakna, Nasha Mukt Bharat Abhiyaan (Drug Free India Campaign) kum nga tlin pualin nimin khan Ministry of Social Justice & Empowerment chuan Amritsar-ah prime minister Narrendra Modi kaihhruaiin Prime Minister Event an buatsaih a; Social Welfare minister Lalrinpuii hoin sorkar hotute leh zirlaite'n IPR Lianchhiari Rûn aṭangin online-in an chhim.

Minister Lalrinpuii chuan, Mizoram sorkar, tlawmngai pawl leh kohhrante ṭangrualin nasa taka ruihhlo an do thu a sawi a; zirlai kal khawmte chu ruihhlo laka fihlim tur te, ruihhlo chu mihring hmasawnna dâltu lian ber leh nun titawitu a ni tih hre reng turtein a chah.

Nasha Mukt Bharat Abhiyaan hi India rama state 28 leh union territory pariatah kalpui mek a ni a, district tin tuam chhuah a ni. District tina DC-te kaihhruaina hnuaiah ruihhlo la ti lote venhim nan leh a ti tawhte'n enkawlna an dawn theih nan hmalak ṭhin a ni.